Markaz qisqa vaqt ichida oʻtmish bilan kelajakni, Sharq bilan Gʻarbni, qadim anʼanalar bilan zamonaviy ilmiy yutuqlarni oʻzaro bogʻlaydigan intellektual koʻprikka aylangani taʼkidlandi.
Dunyo boʻylab Oʻzbekiston madaniy merosi doimiy monitoring qilinadi, madaniy meros obʼektlarining yagona raqamli maʼlumotlar bazasi va xalqaro reyestri shakllantiriladi, Markaziy Osiyoda yagona boʻlgan zamonaviy ilmiy-tadqiqot laboratoriyasi tashkil etiladi.
Marosimga hududlardagi studiyalar orqali nuroniylar, olimu ulamolar, keng jamoatchilik vakillari ham ulandi.
Davlat rahbari islom sivilizatsiyasi markazida yaratilgan sharoitlar va eng noyob eksponatlar bilan tanishdi.
Ozarbayjon Prezidenti Ilhom Aliyev Oʻzbekiston Prezidenti Shavkat Mirziyoyevning davlat boshqaruvidagi donoligi, keng koʻlamli islohotlari va mintaqaviy hamkorlikni mustahkamlashdagi ulkan hissasini yuksak baholadi. U, shuningdek, Toshkentda barpo etilgan Islom sivilizatsiyasi markazini butun islom olamining faxri sifatida eʼtirof etdi.
